علآقـه غير شرعيه !!

[تركي الحربي]

السلام:



/
/


يقول من عـدا علـى شـارع بـلال بـن ربـاح=يوم إن مـن ساهـر بهمـه غطـه النـوم ورقـد
من بعد نص الليل ألفلـف ليـن مـا اذن للصبـاح=خرجت اغيّـر جـو واتغلـب علـى جـو النكـد
ومن أول الشارع وانا شميت ريـح العطـر فـاح=وحسيت في همـي شـوي شـوي عنـي يبتعـد
يمكـن لأنـي كنـت إذا مريتـه اشعـر بارتيـاح=ايام أنا ما كنت اجـي يمـه علـى سابـق وعـد
مـن جـادلٍ ميعادهـا بالضبـط كلمتهـا قــراح=ادق مـن ميعـاد فقـري فـي الوظيفـة مستجـد
من بعد فين وفين تلقـى فرصـة الوضـع المتـاح=ظروفها صعبه وأخوهـا وجـه شـر ومضطهِـد
أجي على ميعادهـا مـن بعـد مجهـود وكفـاح=من التعب منهـك وللجـدران فـي كوعـي مكـد
لها بصدري فرحة المسجـون باطـلاق السـراح=وبصدرها لـي فرحـة القاتـل بعفـو انفـاذ حـد
تجلس كما رعديـد واقـع تحـت تهديـد السـلاح=من شـدة الربكـة تلعثـم فـي الكـلام وترتعـد
وانا تقول إني من اهـل الـدار بسطـه وانشـراح=قلة عقل.. مـدري دباشـة.. كنـت معطيهـا لبـد
طايش مراهق شايف إن النـاس مكسـورة جنـاح=مغرور بايعهـا بتبـن ولا حسبـت حسـاب احـد
هوايتي ( جمع التوابع) مـن مـلاح ومـن قبـاح=افاخر اصحابي وربعـي لا جمعـت اكبـر عـدد
ما قد شكيت البعد والوحده فـي الايـام الشحـاح=اطـب وأتخيّـر ووقـت الزنقـه الطـارف يسـد
المقصـد اتسلـى ولا للحـب فـي قلبـي بـراح=عايش بمبدأ كل فطيـر وطيـر لا شفـت السعـد
لكنّ هي بالذات كانـت غيـر عـن كـل المـلاح=كانت تحسّسني إني اعظم مـن علـى الدنيـا ولـد
كانـت تدللنـي بفـن اسلـوب اسميـه اجتـيـاح=باسلوبهـا تجتـاح فكـري والمشاعـر والجسـد
كانـت سوالفنـا فضيعـه لا حـرام ولا مـبـاح=اقرب حلال من المحـرم واخـر المكـروه حـد
كنـا نناقـش مايجـوز ولا يجـوز مـن المـزاح=معظم سوالفنا طـوال الليـل فـي هـذا الصـدد
تعارض افكاري وادلّتهـا مـن امتـون الصحـاح=تقول يوجد في الجسد مضغـة وإذا فسـدت فسـد
ما ينبت الحب العفيـف إلا فـي إقلـوبٍ صحـاح=وأظن هذا الحب فـي هـذا الزمـن مـا ينوجـد
واحاول اقنعها إن هـذا عصرنـا عصـر انفتـاح=عددت اساليبـي ولا خليـت مـن جهـدي جهـد
واعطتني بفن وبراعـه درس فـي كبـح الجمـاح=فيهـا ذكـا ماهـو طبيعـي عقلهـا يـوزن بلـد
واحلف لها بالله حبـك مـن خفوقـي مـا يـزاح=خذي كلا م رجال.. أنـا لـك ملـك دايـم للابـد
قالت وانا ما اتخيل إنك ملـك غيـري ثـم سـاح=من فوق وجنتها الكحل .. والـدم بعروقـي جمـد
واستطردت لوكنت صادق ما انصرف طرفك وشاح=لكن لا نضحك على بعض ، انـت قلبـك ماقصـد
اخشى هوانـا يـا حبيبـي يذهـب ادراج الريـاح=لأن وضعي ما يساعـد , وانـت طوّلـت الأمـد
هـذي علاقـه غيـر شرعيـة وحرمـة تستبـاح=اش يمنـع إنّـا نرتبـط رسمـي وتوفـي بالعهـد
واتحجج إنـي طالـب اسعـى للتفـوق والنجـاح=ولا اقـدر اتـزوج وذا وضعـي ولانـي مستعـد
واقول انا في خاطري ( لا هيّن ) اعقد بـك نكـاح=اتزوج اللي صادقتني ؟! مـا بقـي إلا ذي بعـد!!
ويوم ألحت في طلبهـا شفـت مـا عنهـا مـراح=وتأكـد إن اللـي تفكـر فيـه ماعـنّـه مـصـد
سحبت نفسي فـي هـداوه لا جـدال ولا صيـاح=حست وكانـت تتصـل فينـي وأنـا ماكنـت ارد
طنشتهـا فتـره وحسّيـت إن فـي قلبـي رمـاح=واقنعت نفسي, نقص واحد ما يؤثـر فـي العـدد
كانت بداية نكستي والحظ إلـى مـن طـاح طـاح=دنيـا لهـا ميـلات والانسـان مخـلـوق بكـبـد
اثـار قلبـي حبهـا بعـدي وانـا مالـي صـلاح=ولا اكتشفت إلا وهي زوجـة عصامـي مجتهـد
أنا اشهد ان امه دعـت لـه فـي حياتـه بالفـلاح=وانـا اشهـد إنـه نـاال واللهم غبطـه لا حسـد
وانا ثمان سنين قلـب النحـس مثخـن بالجـراح=وهي على مـا اسمـع سعيـده وام بنتيـن وولـد
الله يوفقهـا ويسعـدهـا ويرزقـهـا الـصـلاح=والله يصبرنـي ويرزقـنـي التحـمـل والجـلـد
من بعدها ماشفت من تقـدر تعوضنـي اللـي راح=صحيح مـا تعـرف غـلاة الغالـي إلا لا انفقـد



/
/


للشآآعر : مستور المالكي


أأتمنى لكم قراءه مُمتعـه ،، كل التحايا مُسبقاً


فــ أمآن الله

تركي الحربي

.. السيف يجرح لا غدى بيد مجنون مثل الحكي لا صار من فم جاهل .. http://www.youtube.com/watch?v=SBLz4EAp7_U

[تركي الحربي]

/
/


تعالي لك حنيناً ما بقى للصبر فيه انفاس = غيابك عذبه والبعد يمكن يقتل احساسه
تناديك احتضارات الرجا من تحت رجل الياس = ولا ادري تلحقي ما تلحقيه ابيلفظ انفاسه
ابفهم ليه وصلي ذنب يستغفر عيون الناس = اراقب جيّتك وتجين في صفحات كراسه
تعبت استقبلك قرطاس وارسل لهفتي قرطاس = وقلبي والورق سهران بين انياب دباسه
واذا فكرت اجي صدر الشوارع يمتلي وسواس = تعبت ارسم طريق الوصل ما استوعبت مقياسه
اجي مثل السروق اللي يراقب غفلة الحراس = والاقي سوركم واقف يعد افراد حراسه
واحولها على مركاز جدك وابدع الهوجاس = واردد له قصايد كلها بالحيل حساسه
عطيته في شماغه من عطوري لك وله واحساس = إذا شفتيه قومي واحضنيه وقبلي راسه



/
/


قُبله ع رآآسك ،، لله درك ودر شعرك يآ فخم

تركي الحربي

.. السيف يجرح لا غدى بيد مجنون مثل الحكي لا صار من فم جاهل .. http://www.youtube.com/watch?v=SBLz4EAp7_U

[مشاري آل شداد]

روووووعه شعر واحساس
يعطيك العافيه لنقلك لنا قصايد الشاعر مستور المالكي .. الذي للاسف اعرفه ..
تحياتي لك

مشاري آل شداد

[عودك رنان]

روعه جدا هالقصيده
لاخلا ولاعدم
تحيتي

عودك رنان

تم حذف التوثيع من الإدارة

[عادل المخشي]

كلمات وسطور بتعابير رآقيه وخيآل عذب وشفاف
لروحك العذبه كل الود والتقدير
ودمت بحب ونقاء ...ودي وتحياتي لك

عادل المخشي

[الوريف]

كلماتك رائعه
بكل ماتحويه من روعه وذوق
وإحساس رفيعا المستوى
كم سعدت بقرائتهاا


كتبت فأبدعت ونثرت فحاكيت مواطن الجمال

فهنيئا لنا بنبعك المتدفق بيننا

إحترامي لنبض إحساسك

الوريــف

الوريف

إحْسـَآسِيّـے لآ يَصـِفُهُ { عِنـْوآטּ.. ! ,<ع ــالمي آلخآآص>, http://www.tvquran.com/

[حفيد البجلي]

صح لسان قايلها وتسلم يدين ناقلها
مشكور يا تركي ولاهنت
ودي لك

[عذبة الإحساس]

سـ،ـلمت روعتكـ،ـ
وحسـ،ـن آختيـ،ـآركـ،ـ
دمتِ بـ،ـآمآن
آحترآميـ،ـ

عذبة الإحساس

[جمح]

تركي الحربي

ملحمه بكل ماتعنيه الكلمات

بل ان كلمة ملحمة لا تفي بالغرض

ولا تبلغ الهدف

بارك الله فيك اخي تركي على النقل الرائع والرائع جدا

يبقى لي سؤال اخي

من هوا الشاعر ؟

اعرف بتقول لي مستور المالكي

ودي اخي ان اعرف اسمه كاملً ان كنت تعرف

بارك الله فيك ولك شكري وتقديري

اخوك جمح

[تركي الحربي]

يآآآه ،، دوبي أفتكرك يآآموضوعي العزيز <~ منلحس هههههههههه

الشكر والله لكم ولحضوركم وذآئقتكم الشعريه .. لآخلآ ولآعدم وجعلكم تسلموون
أسعدني توآجدكم وتشرريفكم والله يحييكم كلن بإسمــه <~ حزة قهوه ^_^

جمح

هلآبك يآآسيدي

والله يخووك مآفيه معرفه شخصيه .. العلم عند خوينا نبض المشااعر ^^
لكن شااعر طحطووح وسبق شاارك في شااعر المليوون .. أبحث عن ديواانه بتلقى شئ يهوّل

حيّآك بأي وقت والجميع ،،


تركي

تركي الحربي

.. السيف يجرح لا غدى بيد مجنون مثل الحكي لا صار من فم جاهل .. http://www.youtube.com/watch?v=SBLz4EAp7_U